gototopgototop

Salvatore Abbruscato

Sito ufficiale del docente in pensione Dott. Salvatore Abbruscato

recito_rid_cornice

Il teatro secondo Goethe

img_1264708538172_1431img_1264708538172_1431

Vorrei che il palcoscenico fosse sottile

come la corda di un funambolo

affinché nessun inetto

vi ci si arrischiasse sopra...



Bèddra matri di lu cummento, poesia PDF Stampa E-mail
Scritto da poeta,scrittore,pittore Girolamo la Marca   
Mercoledì 14 Ottobre 2015 22:05

Beddra Matri di lu Cummèntu

 

Bèddra Matri

di lu Cummèntu

ascùta tantìcchia

lu ma tristi lamientu.

Stàncu mi sièntu,

nun truòvu chjiù paci,

nun n'ajiu furmièntu

e nun mi sèrbi la faci.

 

 

Bèddra Matri

Matri cuomu a mia

ma marìtu j'è luntanu

e st 'armùzza pinìa...

vi vasu lu mantu

e v'impluoru na grazia,

ca ma maritu rituòrni

e lu ma cori si sàzia.

 

Bèddra Matri

stàmmi a sintìri

sugnu n'arma nfelici

ca nun voli patìri,

fammìlla tu

la grazia stasìra,

nun vuogliu ricchizzi

ma stu cori abbrivìra.

 

Bèddra Matri

di lu Cummèntu

sta nuttata j'è sirena

nun c'è na stizza di vientu..

fora c'è lu scuru

ncielu li stiddri..

ma nun truovu mangiari

pi li ma picciliddri

 

Bèddra Matri,

tu ca tanti grazi

facisti

addrùviglia stu cori

ca nun batti

ed ji'è tristi..

nun vuògliu palazza

né chiusi o dinari,

ma nsignàmi sulu

a viniri a l'Artari....

 

Bèddra Matri,

nun vuàgliu nenti lu giuru,

sulu tècchia di luci

pi li ma uòcchji a lu scùru,

ogni annu

ti puòrtu  sempri furmièntu,

ma ni la porta nun tràsu

di lu vieèchjiu Cummèntu..

 

Bèddra Matri

stàmmi a sintìri

sugnu n'arma nfelici

ca nun voli patìri,

fammìlla tu

la grazia stasìra,

nun vuogliu ricchizzi

ma stu cori abbrivìra.

 

 
Indietro

Sei qui: Letteratura Bèddra matri di lu cummento, poesia